ວັນທີ 3/3/2022 ໄດ້ຈັດພິທີປາຖະກະຖາເລົ່າມູນເຊື້ອວັນສ້າງຕັ້ງວັນແມ່ຍິງສາກົນຄົບຮອບ 112 ປີ ທີ່ສະຫະພັນແມ່ຍິງຮາກຖານວິທະຍາໄລການເງິນພາກໃຕ້. ໂດຍການເປັນປະທານຮ່ວມຂອງທ່ານ ນາງ ວັນຄຳ ແສງສະຫວ່າງ ຮອງປະທານສະຫະພັນແມ່ຍິງແຂວງຈຳປາສັກ ທ່ານ ນາງ ບຸນເພັງ ພົມມາພັກດີ ເລຂາໜ່ວຍພັກຮາກຖານ ຜູ້ອຳນວຍການວິທະຍາໄລການເງິນພາກໃຕ້, ທ່ານ ນາງ ເພັດສະໄໝ ບຸດດາວົງ ຄະນະບໍລິຫານງານສະຫະພັນແມ່ງຍິງແຂວງ ແລະ ປະກອບມີ ທ່ານ ນາງ ສຸດຖະໜອມ ເພັດຊົມພູ ປະທານສະຫະພັນແມ່ຍິງຮາກຖານ ພ້ອມດ້ວຍຄະນະມີບັນດາທ່ານແຂກຖືກເຊີນຈາກກຳມະບານຮາກຖານ, ຊາວໜຸ່ມຮາກຖານ ພ້ອມດ້ວຍສາມະຊິກສະຫະພັນແມ່ຍິງເຂົ້າຮ່ວມຢ່າງພ້ອມພຽງ.
